By: Mine Safety, Environment and Social Development Division

INTRO

Isa akong minero.

Pero hindi lang basta bastang minero.

Isa akong millenial na minero; na may korean heart at hindi pusong bato.

Nandito para mag pakilala, ika’y ligawan at mapa-oo.

Ako ay minerong hindi basagulero, indyanero at lalong hindi babaero.

Pero ako ang minerong enhinyero, mang gugubat, at minsan sumasa-sideline rin akong hardinero niyo.

Pero, pangako, ako ang iyong minerong bae na tatawagin mong mine.

di lang kita bibigyan ng korean heart,

pati na rin ng, gold, copper, and nickel heart.

At kung hindi kita masindak sa mga brilyante kong limpak limpak

Aba, ito at tanggapin ang mga produktong kong pak na pak.

Mga smartphones, kutsara’t tinidor, pati nga construction materials, na swak na swak

Para namang maisip mong ako’y petmalung lodi boom wapak..

Pero, teka, sino ka nga ba at tila adik na adik at humaling humali ako sa sa i‘yo

Halika’t makinig, ito, ikwe-kwento ko

MIDDLE LIGHT

Ako’y nabighani at  nahumaling sa iyong angking halina

Sa balat mong morena na sa ilalim ng araw ay tila gintong tinta

Sa mata mong mapungay na tagos ang dalisay mong kaluluwa

Sa labi mong nagmumula ang usal na sa akin ay nakapapagpaginhawa

Kaya naman, maraming gustong makakuha ng atensyon mo

Maraming gustong mag alay ng kanilang mga sarili para ikaw ay mapa oo

Nag-uunahan, nangangako na walang uunahing iba maliban sayo.

At eto ako, sisiguraduhing aalagaan ang ganda mo.

MIDDLE DARK

Ngunit sa kabila ng di mabilang-bilang na magaganda mong katangian,

Tila ganoon din ang dami ng mga puna at batikos sa pagmamahal kong walang alinlangan.

Matang sintalim ng punyal kung ako ay matitigan

Mga salita na parang latigo kung pumunit sa aking nararamdaman

Pero sa kabila ng lahat ng ito

marapat lang na malaman mo

Ang mga hindi kaaya ayang bagay na maaaring marinig mo

Hindi sakin pero magmumula sa ibang tao.

Addict lang raw ako sa bato

Na kailanman ay hindi na mag babago

At ang sabi nila, noon pa man

Paiiyakin lang kita ng dugo na singdami ng karagatan

Lalasunin ang mga ilog at bukal na iyong ini-inuman

At idagdag mo pa rito ang pagbubunot ko ng mga pinunlang mong kamulatan.

Bibiyakin ko lang daw ang tadyang at puso mo

At mula doon, ay titiktikin at bubungkalin ang ugat, buto’t balunbalunan mo

bubutas at mag iiwan ng malaking puwang sa  iyong kaluluwa

pabaon ng pabaon sa pag pasok at pagwasak sa walang humpay na pagputok

At sa huli’y, nanakawin ang yaman at hiyas na pinakaiingatan mo

At matapos ng lahat ng ito, ay iiwan daw kitang tigang, sugatan at di na mapakikinabanagan

Doon sa malayong lugar, pababayaang nilalangaw at nakatiwang wang

Na uukit lang raw ng malalim na marka sa iyong kaibuturan

at ipapamukha sa iba kung gaano kita sinaktan at pinahirapan

Nakakakilabot hindi ba?

REDEMPTION/OUTRO

sa kabila ng tsismis na narinig mo tungkol sakin

Gusto kong sabihin na sa huli’y lahat ‘yon ay ginawa para ika’y lokohin, linlangin

Na ang kanilang mga kasinungalingan ay  malayo sa reyalidad.

Dahil alam ko sa sarili ko, na nasa mga kamay ko ang tunay na pagbabago na may responsibilidad

oo inaamin ko! adik ako sa bato!

kaya nga hinayaan ko na lang matokhang mo ang puso ko

Kung nagawa man kitang paluhain ng dugo ng karagatan

Nangangako akong ito’y pupunasan ng aking pagmamahal at iiwasang muling masaktan

Kung nagawa ko mang lasunin ang ilog at bukal mong inumin.

Nangangako akong ito’y lilinisin, at ang pag aalaga sa’yo ay pag iibayuhin

Kung nagawa ko mang bunutin ang iyong kamulatan

Nangangako akong mag pupunla ng pagbabago para sa iyong kagandahan

Kung nagawa ko mang mag iwan ng marka,

Sisiguraduhin ko na ito’y marka ng aking pagibig at wala ng iba

At markang magpapa alala na ika’y minahal, mahal, at mamahalin pa, magpakailanman

Ang aking  panalangin sa mga anito, diwata at kay bathala.

Na ako’y iyong pansinin at sa akin ay sa wakas mag tiwala.

Kaya sa huli’y nandiyan ang mga katagang MGB ng DENR na lagi’t lagi kong tatandaan sa aking pag ibig sa’yo

M- Millennial para sa kalikasan na mag sisibilbing pagbabago sa makabagong lipunan;

G - Gabay ang batas at boses ng taong bayan sa ating araw araw na pakikipagsapalaran; at

B - Balangkasin natin ng sabay ang daan patungo sa kaunlaran.

At sa tuwing ika’y manghihina, at mawawalan ng lakas ng loob, tandaan mo lang panata kong ito.

Na hindi b’at nandito lang ako handang mag magmahal, at mag aantay sa matamis mong oo?